Gweithwyr Rheng Flaen Yng Nghymru I Ymuno Â’r Frwydr Yn Erbyn Sgamwyr Ariannol

Hyfforddiant sgamiau yn agored i wasanaethau cymunedol fel diffoddwyr tân, staff meddygfeydd Meddygon Teulu a llyfrgellwyr

Bydd gweithwyr rheng flaen yng Nghymru fel gofalwyr a staff y gwasanaethau brys yn derbyn hyfforddiant i’w helpu i ddiogelu pobl rhag sgamwyr ariannol, fel rhan o’r cymorth a gynigir gan y Gwasanaeth Arian a Phensiynau.

Mae addysg gyhoeddus am sgamiau ariannol yn hanfodol, pan nad yw 50% o oedolion yng Nghymru (1.3m) yn teimlo’n hyderus am ddiogelu eu hunain rhag sgamiau ariannol ^1, a dim ond 56% o oedolion yng Nghymru (1.4m) sy’n gwybod am sefydliadau a gwefannau a all cynnig cymorth di-dâl neu fforddiadwy am benderfyniadau ariannol.

Dengys ymchwil fod gan y rhai sy’n gweithio mewn proffesiynau dibynadwy ², y sgiliau i helpu pobl sydd fwyaf mewn perygl o dwyll ariannol ². Trwy ddarparu hyfforddiant yng Nghaerdydd a Bangor i gefnogi gweithwyr sy’n ymgysylltu’n rheolaidd â phobl yn y gymuned, mae’r Gwasanaeth Arian a Phensiynau yn gobeithio y gall y negeswyr dibynadwy hyn godi ymwybyddiaeth o sgamiau ariannol a helpu pobl i nodi’r rhybuddion fel y gallant osgoi sgamiau.

Cynhelir yr hyfforddiant mewn dau ddigwyddiad yng Nghaerdydd a Bangor, sydd ar agor i unrhyw un sy’n gweithio gydag aelodau o’r cyhoedd yng Nghymru neu’n eu cefnogi, o ofalwyr, yr heddlu a llyfrgellwyr i staff mewn meddygfeydd teulu.

Meddai Lee Phillips, Rheolwr Cymru o’r Gwasanaeth Arian a Phensiynau:

“Bob dydd, mae twyllwyr yn ceisio gwahanu’r sawl sy’n cynilo o’u harian haeddiannol gyda sgamiau cynyddol soffistigedig. Mae pobl sy’n cael eu twyllo yn colli £82,000 yr un ar gyfartaledd o’u pensiynau ³. Mae hynny’n swm o arian i’w golli sy’n newid bywyd.

“Trwy hyfforddi gweithwyr rheng flaen sydd eisoes yn adnabyddus ac wedi cael eu hymddiried yn eu cymunedau, gallwn helpu mwy o bobl i fod yn ymwybodol o sgamiau ariannol a’r camau syml y gallant eu cymryd i ddiogelu eu hunain.”

Yn ogystal â chynrychiolwyr o MaPS, bydd siaradwyr yn y digwyddiadau yn cynnwys:

Y Rheoleiddiwr Pensiynau
Grŵp Diwydiant Sgamiau Pensiynau (PSIG)
Cynllun Iawndal Gwasanaethau Ariannol (FSCS)
Age Cymru a fydd yn cyflwyno eu gwaith gyda Phartneriaeth Cymru yn erbyn Sgamiau (WASP)

Mae’r Gwasanaeth Arian a Phensiynau yn cynnig yr awgrymiadau canlynol ar sut y gall pobl ddiogelu eu hunain rhag sgamiau pensiwn:

Byddwch yn wyliadwrus o hysbysebion ar-lein ac ar gyfryngau cymdeithasol sy’n addo enillion uchel o fuddsoddi. Os yw’n swnio’n rhy dda i fod yn wir, mae’n debyg ei fod!
Byddwch yn wyliadwrus os cewch eich cysylltu ar hap a rhoddir pwysau arnoch i fuddsoddi mewn cynigion sydd ag amser cyfyngedig drwy ddefnyddio negeseuwyr i  anfon dogfennau

Dylech bob amser wirio bod y person a’r cwmni rydych yn siarad â hwy yn pwy maent yn dweud ydynt. Os ydych yn defnyddio cwmni anawdurdodedig, ni fydd gennych fynediad at Wasanaeth yr Ombwdsmon Ariannol na’r Cynllun Iawndal Gwasanaethau Ariannol (FSCS).
Mae gan yr FCA declyn i wirio’r risgiau pensiwn a chyfleoedd buddsoddi

-ENDS-

Ar gyfer ymholiadau cyfryngau cysylltwch â:

Swyddfa Wasg MaPS  020 8132 5284 / media@maps.org.uk 
Mia Cochrane, uwch swyddog yr wasg 020 8132 4937 / mia.cochrane@maps.org.uk
Sarah Cordey, uwch reolwr cyfathrebu 020 8132 5251 / sarah.cordey@maps.org.uk

Nodiadau i olygyddion

Arolwg Gallu Ariannol 2018, Gwasanaeth Arian a Phensiynau
Mynegai Cywirdeb Ipsos MORI 2019
22 blwyddyn o gynilion pensiwn wedi’i ddiflannu o fewn 24 awr : Awdurdod Ymddygiad Ariannol 2019

Y Gwasanaeth Arian a Phensiynau

Gweledigaeth y Gwasanaeth Arian a Phensiynau (MaPS) yw: ‘pawb yn gwneud y gorau o’u harian a’u pensiynau.’

Mae MaPS yn gorff hyd braich a noddwyd gan yr Adran Gwaith a Phensiynau (DWP), ac mae ganddo ymrwymiad ar y cyd i ddarparu mynediad at y wybodaeth a’r arweiniad sydd eu hangen ar bobl ledled y DU, i wneud penderfyniadau ariannol effeithiol dros gydol eu hoes. Mae’r sefydliad hefyd yn ymgysylltu â Thrysorlys EM ar faterion polisi sy’n ymwneud â gallu ariannol a chyngor ar ddyledion.

Mae MaPS yn dwyn ynghyd gwasanaethau di-dâl a ddarparwyd yn flaenorol gan y Gwasanaeth Cynghori Ariannol, Y Gwasanaeth Cynghori ar Bensiynau a Pension Wise. Mae MaPS yn cynnig arweiniad ac apwyntiadau i gwsmeriaid dros y ffon, ar-lein ac wyneb yn wyneb.

Am wybodaeth bellach ewch i wefan y Gwasnaeth Arian a Phensiynau www.moneyandpensionsservice.org.uk

Gall defnyddwyr barhau i gael gafael ar ganllawiau di-dâl am eu harian a’u pensiynau trwy’r gwefannau a’r llinellau cymorth canlynol:

www.moneyadviceservice.org.uk / 0800 138 7777